8 DE MARZO DÍA INTERNACIONAL DA MULLER
O venres 8 de marzo viñeron unhas percebeiras a explicarnos o seu traballo. Explicáronnos o material que empregan:
a gateña, pico. mariconera, traxe de ra, botas de goma a caixa para vender o percebe .Os nenos e nenas de primeiro, segundo e terceiro fixémoslles unhas preguntas e elas contáronnos que:
teñen que traballar cando a marea está baixa,
sempre collen o percebe na Illa de Ons,
teñen que ter moito coidado coas ondas do mar porque o percebe está nas rochas onde o mar bate con máis forza.
Tamén nos dixeron que a veces cando tiñan que saltar, dende a lancha a terra,dáballes un pouco de medo.
O percebe é mellor no inverno, a chuvia e o mal tempo fan que medre.
Animáronnos para que estudemos moito e cando sexamos maiores, se nos gusta podemos ser percebeiros ou percebeiras porque para elas é un oficio moi bonito, do que senten moi orgullosas.
Ao acabar démoslles un ramo de flores as percebeiras que se chaman .Estrella,Carmen e Begoña .
MOITAS GRAZAS POLA VOSA VISITA!
(Aridane Moreira e Gisela Pérez)
No hay comentarios:
Publicar un comentario